சென்னையில் உள்ள எம்ஏ சிதம்பரம் மைதானத்தில் நடந்த ஐபிஎல் 2023 17வது போட்டியில் ராஜஸ்தான் ராயல்ஸ் அணி, சென்னை சூப்பர் கிங்ஸ் அணிக்கு எதிராக மூன்று ரன்கள் வித்தியாசத்தில் வெற்றி பெற்றது. 176 ரன்கள் எடுத்தால் வெற்றி என்ற இலக்குடன் களமிறங்கிய சிஎஸ்கே, டெவோன் கான்வே, எம்எஸ் தோனி மற்றும் அஜிங்க்யா ரஹானே ஆகியோரின் சிறப்பான ஆட்டத்தை மீறி, 20 ஓவர்களில் 6 விக்கெட் இழப்புக்கு 172 ரன்கள் மட்டுமே எடுத்தது. கான்வே 38 பந்துகளில் 50 ரன்கள் எடுத்தார், இதற்கிடையில் தோனி 17 பந்துகளில் 32 ரன்கள் எடுத்து ஆட்டமிழக்காமல் இருந்தார். மறுபுறம், ரஹானே 19 பந்துகளில் 32 ரன்கள் விளாசினார்.
ராஜஸ்தான் அணிக்காக க்காக ஆர் அஷ்வின் மற்றும் யுஸ்வேந்திர சாஹல் ஆகியோர் சிறப்பாக பந்துவீசி இருவரும் தலா இரண்டு விக்கெட்டுகளை கைப்பற்றி அணியின் வெற்றிக்கு உதவி செய்தார்கள். குறிப்பாக அஸ்வின் பேட்டிங்கில் எடுத்த 30 ரன்களும், பந்துவீச்சில் எடுத்த இரண்டு விக்கெட்டுகளும்,அவரின் சொந்த மண்ணில் அவர் விளையாடிய அணிக்கு வெற்றி வாய்ப்பை பெற்றுத் தந்தது.
நேற்றைய போட்டின் போது அதிகமாக பனிப்பொழிவு இருந்ததால் அது ஓரணிக்கு சாதகமாக மாறிவிடக்கூடாது என்பதற்காக நடுவர்கள் போட்டிக்கிடையில் பந்தை மாற்றினார்கள்.
இது குறித்து அஸ்வின் கூறும் போது
“நடுவர்கள் பனிக்காக பந்தை தாங்களாகவே மாற்றியது எனக்கு ஆச்சரியமாக இருக்கிறது. இதற்கு முன்பு இது நடந்ததில்லை, நான் மிகவும் ஆச்சரியப்படுகிறேன். இந்த ஆண்டு ஐபிஎல்-ல் களத்தில் எடுக்கப்பட்ட சில முடிவுகள், நேர்மையாக இருக்க என்னைக் கொஞ்சம் தூண்டி விட்டது. அதாவது, போட்டியின் நடுப்பகுதியில் இருக்கும் போது இது என்னை குழப்பி விட்டது. பின்பு தான் தெரிந்தது எங்களுக்கு தேவையானது, இரு அணிகளுக்கும் வெற்றி வாய்ப்பு சமமாக இருக்க வேண்டும். என்று நான் நினைப்பதால் தான் பந்தை நடுவர்கள் மாற்றினார்கள் என்று நினைக்கிறேன்”என்றார்.
மேலும் அவர் கூறும்போது “ஒரு பந்துவீச்சு அணியாக, பந்தை மாற்றுமாறு நாங்கள் கேட்கவில்லை. ஆனால் நடுவரின் ஒப்புதலின் பேரில் பந்து மாற்றப்பட்டது. நான் நடுவரிடம் கேட்டேன், அவர் அதை மாற்றலாம் என்று கூறினார். எனவே ஒவ்வொரு முறையும் பனி பெய்யும் என்று நான் நம்புகிறேன். இந்த ஐபிஎல் தொடரில் ஒவ்வொரு முறையும் அதை மாற்ற முடியும். நீங்கள் எதை வேண்டுமானாலும் செய்யலாம், ஆனால் நீங்கள் முன்னோக்கி செல்லும் தரத்தில் இருக்க வேண்டும்” என்று கூறினார்.
