நேற்று இரவு நடைபெற்ற முடிந்த 2023 ஆம் ஆண்டுக்கான முதல் ஐபிஎல் போட்டியில் சென்னை சூப்பர் கிங்ஸ் அணியை ஐந்து விக்கெடுகள் வித்தியாசத்தில் குஜராத் டைட்டன்ஸ் அணி வீழ்த்தியது. இந்த போட்டியில் சென்னை சூப்பர் கிங்ஸ் அணியின் தொடக்க ஆட்டக்காரர் ருதுராஜை தவிர மற்ற யாரும் சிறப்பாக விளையாடவில்லை.
சென்னை சூப்பர் கிங்ஸின் நட்சத்திர வீரராக உருவெடுத்துள்ள , ருதுராஜ் கெய்க்வாட் தொடக்க ஆட்டத்தில் ஒரு அற்புதமான ஆட்டத்தை வெளிப்படுத்தினார், அவர் வெறும் 50 பந்துகளில் 92 ரன்கள் எடுத்தார். சிஎஸ்கே ஐந்து விக்கெட் வித்தியாசத்தில் ஆட்டத்தை இழந்தாலும், கெய்க்வாட் தனது இன்னிங்ஸிற்காக ரசிகர்கள் மற்றும் முன்னாள் கிரிக்கெட் வீரர்களிடமிருந்து பாராட்டுகளைப் பெற்றார்.
தொடக்க ஆட்டத்தில் குஜராத் டைட்டன்ஸால் CSK பேட்டிங் செய்ய அழைக்கப்பட்டது, ஒருமுனையில் சூப்பர் கிங்ஸ் விரைவான விக்கெட்டுகளை இழந்தபோதும் மறுமுனையில் ருதுராஜ் தனது பாணியில் சிறப்பான ஆட்டத்தை வெளிப்படுத்தினார். சீசனின் முதல் போட்டியில் சதம் அடித்த இரண்டாவது பேட்டர் என்ற பெருமையை 8 ரன்களில் தவறிவிட்டார்.
ருதுராஜ், குஜராத் டைட்டன்ஸ் பந்துவீச்சாளர்களை ஒரு அற்புதமான ஆட்டத்தால் அடித்து நொறுக்கினார், அவர் தனது இன்னிங்ஸில் ஒன்பது சிக்ஸர்கள் மற்றும் நான்கு பவுண்டரிகளை அடித்தார், மேலும் முன்னாள் இந்திய கிரிக்கெட் வீரர் வீரேந்திர சேவாக் சிஎஸ்கே தொடக்க வீரரைப் பாராட்டியபோது மிகவும் வலுவான கருத்தை தெரிவித்தார்.
ருதுராஜ் கெய்க்வாட் பற்றிப் பேசிய சேவாக்
“விராட் கோலிக்காக நான் அடிக்கடி இந்த வார்த்தைகளைப் பயன்படுத்துகிறேன், ஆனால் இன்று அவர் பேட்டிங் செய்த விதம், என் கண்களுக்கு உண்மையான மகிழ்ச்சியாக இருந்தது. அப்படித்தான் அவர் பேட்டிங் செய்தார். இந்த இன்னிங்ஸில் யாராலும் சென்னை சூப்பர் கிங்ஸ் அணிக்காக ஷாட்களை கனெக்ட் செய்ய முடியவில்லை, அனைவரும் சீக்கிரமே வெளியேறினர், ஆனால் அவர் தனது வலுவான ஷாட்களைத் தொடர்ந்தார். அவர் தனது இன்னிங்ஸில் பவுண்டரிகளை விட அதிக சிக்ஸர்களை அடித்தார்” என்று சேவாக் கூறினார்.
மேலும் அவர் கூறும்போது “கடந்த சீசனில் சையத் முஷ்டாக் அலி டிராபி உள்நாட்டுப் போட்டியில் அவர் ஒரு ஓவரில் ஏழு சிக்ஸர்களை அடித்தார். மேலும் அந்த சாதனை முறியடிக்கப்படும் என்று நான் நினைக்கவில்லை. இது ஒரு அற்புதமான இன்னிங்ஸ். அவர் சதம் அடிக்காமல் ஏமாற்றம் அடைவார் என நினைக்கிறேன், பந்து வீச்சில் உயர நோ-பால் விவாதத்திற்குரியது. ஆனால் மீண்டும், நடுவரின் முடிவு முக்கியமானது ”என்று கூறினார்.
